មនុស្សម្នាក់ៗ សុទ្ធតែមានវត្ថុដែលសំខាន់ ដែលអាចបោះបង់ចោលអ្វីៗគ្រប់យ៉ាង ដើម្បីតែវត្ថុមួយនោះ។
យើងដឹងហើយថាជីវិតដែលធំពេញវ័យ អ្វីដែលពិបាកបំផុត គឺការសម្រេចចិត្ត។ តែបើចង់ដឹងថាអ្វីដែលសំខាន់បំផុតក្នុងជីវិតរបស់អ្នក ចូរសាកល្បងទស្សន៍ទាយផ្លូវចិត្ត ដោយឆ្លើយសំណួរខាងក្រោម៖
បើសិនជាអ្នកត្រូវធ្វើដំណើរជុំវិញពិភពលោក ជាមួយនឹងសត្វ៥ក្បាល។ ថ្ងៃមួយអ្នកអស់លុយធ្វើដំណើរតាមផ្លូវ ហើយអ្នកត្រូវការលក់សត្វមួយក្នុងចំណោមសត្ធទាំង៥ក្បាលនោះ ដើម្បីបន្តដំណើរទៅមុខទៀត តើអ្នកនឹងលក់សត្វមួយណាមុនគេ?
១. ចៀម ២. សេះ ៣. តោ ៤. ស្វា ៥. គោ
១. លក់ចៀមមុន
ចៀមតំណាងឱ្យជីវិតស្នេហា បើអ្នកលក់ចៀមមានន័យថារឿងស្នេហាមិនមែនជារឿងសំខាន់នោះទេ បើសិនជាអ្នកកំពុងតែស្ថិតក្នុងជីវិតលំបាក។ ប៉ុន្តែបើសិនជាអ្នកជ្រើសយកចៀម ទុកលក់ចុងក្រោយគេ នោះមានន័យថាស្នេហាគឺសំខាន់ខ្លាំងណាស់ អ្នកអាចលះបង់ការងារ និងគ្រួសារព្រោះតែស្នេហាទៀតផង។
២. លក់សេះមុន
សេះតំណាងឱ្យរឿងគ្រួសារ បើអ្នកលក់សេះមុន នោះមិនមែនមានន័យថាអ្នកជាមនុស្សអកត្តញូនោះទេ។ វាជារឿងធម្មតាដែលអ្នកទាំងអស់គ្នាដឹងថាគ្រួសារគឺសំខាន់ និងតែងតែនៅជាមួយអ្នកគ្រប់ពេល អ្នកមិនចាំបាច់ប្រឆាំងនឹងគ្រួសាររួចទៅផ្ដោតទៅលើអ្វីមួយផ្សេងទៀតទេ។ ប៉ុន្តែមានន័យថា អ្នកជាមនុស្សដែលជម្នះនឹងគ្រួសារបាន រួចទៅធ្វើអ្វីដែលជាក្ដីស្រមៃរបស់អ្នក។ ផ្ទុយទៅវិញ បើអ្នកទុកសេះលក់ចុងក្រោយគេ នោះមានន័យថាគ្រួសារអ្នកសំខាន់ជាងអ្វីៗទាំងអស់ អ្នកអាចលះបង់គ្រប់យ៉ាងដើម្បីពួកគាត់ សូម្បីតែក្ដីស្រមៃរបស់អ្នកក៏ដោយ។
៣. លក់តោមុន
តោតំណាងឱ្យសេចក្ដីថ្លៃថ្នូរ បើអ្នកលក់តោមុន នោះមានន័យថា អ្នកនឹងមិនខ្លាចលះបង់ខ្លួនឯង ដើម្បីស្វែងរកក្ដីស្រមៃឱ្យខ្លួនឯង ឬជម្នះដើម្បីរបស់អ្វីមួយដែលអ្នកចង់បាននោះទេ។ ប៉ុន្តែបើអ្នកទុកតោលក់ចុងក្រោយគេ នោះមានន័យថា អ្នកឱ្យតម្លៃលើសេចក្ដីថ្លៃថ្នូរ និងតម្លៃខ្លួនឯងជាងអ្វីៗទាំងអស់។
៤. លក់ស្វាមុន
ស្វាតំណាងឱ្យមិត្តភាព បើអ្នកលក់ស្វាមុន នោះមានន័យថាមិត្តភក្តិ ឬមិត្តភាពមិនសំខាន់ចំពោះអ្នកដូចគ្រួសារ និងមនុស្សជាទីស្រឡាញ់អ្នកទេ នេះមិនមែនមានន័យថាអ្នកមិនឱ្យតម្លៃទៅលើមិត្តភាពនោះទេ គ្រាន់តែអ្នកអាចលះបង់វាបាន បើសិនជាអ្នកមានរឿងសំខាន់ជាងនេះដែលត្រូវធ្វើ។ ប៉ុន្តែបើអ្នកទុកស្វាលក់ចុងក្រោយគេ នោះមានន័យថាមិត្តភក្តិ និងមិត្តភាពអ្នកសំខាន់ខ្លាំងណាស់ ហើយអ្នកជឿថាអ្នកនឹងឆ្លងផុតគ្រប់ឧបសគ្គទាំងអស់ បើសិនជាអ្នកមានមិត្តភក្តិនៅជាមួយអ្នក។
៥. លក់គោមុន
គោតំណាងឱ្យការងារ បើអ្នកលក់គោមុន នោះមានន័យថា អ្នកគិតថាការងារមិនសំខាន់ដូចគ្រួសារ មិត្តភក្តិ ឬមនុស្សជាទីស្រឡាញ់របស់អ្នកនោះទេ។ អ្នកសុខចិត្តចំណាយពេលជាមួយពួកគេ ជាជាងការងាររបស់អ្នក។ ប៉ុន្តែបើសិនជាអ្នកទុកគោលក់ក្រោយគេ នោះមានន័យថាការងាររបស់អ្នក ត្រូវតែដើរទៅមុនអ្វីៗ គ្រប់យ៉ាងទាំងអស់ អ្នកក៏ប្រហែលជាមនុស្សប្រភេទញៀននឹងការងារផងដែរ។
