វ័យនេះជាវ័យដែលកំពុងតែស្រវ៉េស្រវ៉ារកលុយឱ្យបានច្រើនបំផុតតាមដែលអាចធ្វើបាន ប៉ុន្តែអ្នកមានវ័យនេះដែរ ក៏ប្រាកដជាមានផលលំបាកនឹងសល់លុយផងដែរ ព្រោះតែងតែចង់ដឹងចង់លឺ ចង់ទិញ ជាពិសេសគឺមនុស្សស្រី (ជាភេទដែលពិបាកហាមខ្លួនឯងក្នុងការទិញ)។
ដើម្បីសន្សំលុយ ឱ្យសល់នឹងគេ អ្នកទាំងអស់គ្នាអាចពិចារណា វិធីខាងក្រោមនេះបាន៖
១. ត្រួតពិនិត្យលើចំណូល និងចំណាយចាំបាច់ឱ្យច្បាស់លាស់។
២. កំណត់គោលដៅដែលចង់បានបន្ទាប់ ដូចជាចង់ទិញកុំព្យូទ័រថ្មី ចង់ដើរលេង ចង់ទិញម៉ូតូ ឬចង់ទិញផ្ទះអីជាដើម។
៣. ខ្ចប់បាយថ្ងៃពីផ្ទះទៅធ្វើការ ពេលល្ងាចមកញ៉ាំបាយផ្ទះវិញ។
៤. ច្បាប់ ៧ ថ្ងៃ (ចាំរហូតហួស៧ថ្ងៃហើយ បើនៅតែត្រូវការវាទៀត ចាំទៅទិញរបស់នោះវិញ)។
៥. ទៅញ៉ាំរបស់ដែលចង់ញ៉ាំបំផុត នៅថ្ងៃបើកប្រាក់ខែ។
៦. បើចង់ទៅដើរលេង ត្រូវរៀបគម្រោងនៃការចំណាយជាមុនសិន ចៀសវាងការចាយមិនដឹងមុខ និងមិនបានគិតទុកមុន។
៧. មិនបាច់រឿងសម្ភារៈនិយម តាមសង្គម
៨. កត់ត្រាគ្រប់ការចាយវាយ
៩. គិតហើយគិតទៀត ចំពោះឥវ៉ាន់ដែលបញ្ចុះតម្លៃ មិនមែនឱ្យតែបញ្ចុះ ដឹងតែទិញទេ បើចាំបាច់ប្រើចាំទិញ។
រូបភាព៖ Pinterest
#savingtips #20s