របៀបធ្វើសម្លម្ជូរខ្ទិះ

-សាច់ ៖ ឆ្អឹងជំនីរជ្រូក ២គីឡូក្រាម។ ស្លខ្ទិះនឹងយើងចង់ស្លសាច់មាន់ក៏បាន ត្រីក៏បាន តាមការចូលចិត្ត។

-ម្នាស់ ៖ ១ផ្លែ

-ជីនាងវង

-សណ្តែកគួរ ១៥គួរ

-គ្រឿងបុក ៖ គល់ស្លឹកគ្រៃ រំដេង រមៀត ស្លឹកក្រូចសើច ខ្ទឹមស ខ្ទឹមក្រហម

- ម្ទេសឆ្អើ: ត្រាំទឹកក្តៅ រើសអោយស្អាតហើយចិញ្រ្ចាំអោយម៉ត់

-អំបិល ១ស្លាបកាហ្វេ

-អំពិលទុំ ៖ ត្រាំទឹកក្តៅ សម្រិតយកទឹក ៥ស្លាបព្រាយបាយ

-ស្ករ ៣ស្លាបព្រាបាយ

-ទឹកត្រី ៣ស្លាបព្រាបាយ

-កាពិ ៣ស្លាបបាយ

-ខ្ទឹមសចិញ្ច្រាំ 1ស្លាបព្រាបាយ

-ម្សៅស៊ុប ២ស្លាបបាយ

-ប្រើទឹក ៣លីត្រ

-ខ្ទិះដូង ១កំប៉ុង

-ស្នៀតពោត ១កំប៉ុង

 

 

 

បើកចង្ក្រានឲ្យក្តៅ ដាក់ខ្លាញ់ចូល ដាក់ខ្ទឹមបំពង ដាក់ម្ទេសឆ្អើចិញ្រាំចូលឆាអោយក្រហម រួចដាក់គ្រឿងចូល កាពិ ទឹកត្រី ម្សៅស៊ុប ស្ករ អំបិល លីងគ្រឿងនឹងប្រហែល ៥នាទី ឲ្យឆ្ងុយសិន សឹមដាក់សាច់ចូល ច្របល់ឲ្យសព្វប្រហែល ១០-១៥នាទី ចាក់ខ្ទិះដូងចូល គ្របចោល៥នាទី ចាក់ទឹកចូល គ្របទុកឲ្យពុះ ១០នាទី ដាក់ទឹកអំពិលទុំចូល ភ្លក់មើលឲ្យរសជាតិជូរ-ផ្អែម បើមិនផ្អែមអាចថែមស្ករ។ ដាក់ស្នៀតពោត ម្នាស់ និងសណ្តែកគួរចូលទុកឲ្យពុះ បង់ជីនាងវង ជាការស្រេច។

 

 

មុខម្ហូបនេះ អាចញ៉ាំស្រូបជាមួយនំបញ្ចុកក៏បាន។