ផ្ទះនៅលើជាន់លើមួយ ត្រូវបានគេយកមកកែលំអរឡើងវិញ បើមើលតាមទំហំ គឺមិនសូវជាធំប៉ុន្មានទេ ដូច្នេះហើយ អ្នកដែលមានបំណងចង់រស់នៅម្នាក់ឯង អាចនៅបានយ៉ាងស្រួល។
អ្វីដែលគួរឱ្យចាប់អារម្មណ៍របស់ផ្ទះនេះ គឺរានហាលត្រូវបានយកមកធ្វើជាផ្ទះបាយ ហុំព័ន្ធដោយកញ្ចក់ពាក់កណ្ដាល និងពាក់កណ្ដាលជាជញ្ជាំងពណ៌ស ដែលយើងអាចញ៉ាំអាហារបណ្ដើរ មើលទេសភាពបណ្ដើរបាន។
ចំពោះបន្ទប់គេងវិញ ឃើញថាអាចដាក់បានគ្រែមួយធំល្មមដែរ ដែលត្រូវគេបានរៀបចំទូរប្រអប់នៅជុំវិញក្បាលគ្រែ។
ឯបន្ទប់ទទួលភ្ញៀវ គឺនៅពីមុខបន្ទប់គេង ដាក់សាឡុងបានមួយ និងទូរពីចំហៀងមួយ ដែលអាចរូតទៅរូតមក ធ្វើជាតុធ្វើការបានទៀតផង។
បន្ទប់ទឹកតូច ត្រូវបានប្ដូរទីតាំងចានបង្គន់បន្តិច និងរៀបចំធ្នើរៗ សម្រាប់ដាក់សាប៊ូ និងរបស់របរផ្សេងៗទៀត ដែលធ្វើឱ្យមើលទៅឃើញទូរលាយ ថ្វីត្បិតតែតូចក៏ដោយ។
សរុបមកវិញ ឱ្យតែចេះច្នៃប្រឌិត បន្ថែមបន្ថយ រៀបចំពណ៌ឱ្យត្រូវត្រឹម យើងនឹងបានផ្ទះមួយយ៉ាងស្អាត ដោយមិនបាច់ ចំណាយទៅលើសម្ភារៈដែលថ្លៃៗហួសហេតុពេកទេ។
រូបភាព៖ Facebook