តើអ្នកទាំងអស់គ្នា ធ្លាប់អត់ ពេលជួបជុំមិត្តភក្តិដល់យប់ ផឹកស្រវឹងទន់ខ្លួន ឬក៏មើលរឿងកូរ៉េដល់យប់ជ្រៅ ហើយបើប៉ះចំត្រង់ឈុតកម្សត់ទៀត យំហើមភ្នែកស្ពុរដល់ព្រឹក។ ចៃដន្យអាក្រក់អី ត្រូវមានការងារបន្ទាន់ទៅជួបគេ ហើយរឹតតែស៊យនោះ គឺត្រូវណាត់ជួបក្រាស់ព្រឹកឡើង?
ឥឡូវទៅសាកតិចនិកក្នុងការMakeup ដើម្បីលុបបំបាត់បញ្ហានិយាយគ្នាមិញនេះតិចមើល៎។
១. ប្រើ Concealer លុបបំផុតភ្នែកស្លក់ខ្មៅក្រោមភ្នែក
វិធីនេះ គឺទូទៅបំផុតហើយ តែក៏មិនអាច មិនលើកយកមកប្រើបានដែរ ព្រោះវាជួយបិតបាំងស្នាមក្រោមភ្នែកបានល្អ។ ប្រើដៃនាង តប់ប៉ាតថ្នមៗ។ ណែនាំឱ្យប្រើ Concealer ពណ៌ទឹកក្រូច និង ពណ៌ខៀវ ព្រោះវាមានប្រសិទ្ធិភាពសម្រាប់អ្នកដែលមានភ្នែកខ្មៅខ្លាំង។
២. សិតរោមភ្នែកឱ្យងរ ជាមួយនឹង Mascara ដើម្បីឱ្យរោមភ្នែកអ្នកលេចធ្លោ
បើសិនជាភ្នែកយើងហើម វារៀងពិបាកបន្តិចបើចង់លុបបំផុតវា១០០% តែក៏អាចធ្វើឱ្យបាត់ខ្លះដែរ បើរោមភ្នែកយើងវែងក្រាស់ងរ។ សិតទាំងរោមភ្នែកលើ និងភ្នែកក្រោម។
៣. គូរពណ៌ចិញ្ចើម ឱ្យរៀងដិត និងក្រាស់បន្តិចជាងសព្វដង
ដើម្បីកុំឱ្យភ្នែកហើមរបស់យើង លេចធ្លោ ងាយមើលដឹងពេក យើងត្រូវបន្ថែមចិញ្ចើមឱ្យរៀងដិតនិងក្រាស់បន្តិច តែកុំក្រាស់ដូចចិញ្ចើមបែកស្លុយ។ ដើម្បីកុំឱ្យមើលទៅFail ពេក យើងអាចកោរចិញ្ចើមឱ្យចេញជាទម្រង់ជាមុនសិនមុននឹងគូរ។
៤. ប្រើ Shimmer ពណ៌មាស ជាស្រមោលនៅក្រោមភ្នែក
ព្រោះវាជួយបិតបាំងភ្នែកហើម និងស្លក់បានច្រើនគួរសមដែរ។ គួរបញ្ជាក់ដែរថា បើយើងមិនមានShimmer ពណ៌មាស ក៏អាចប្រើពណ៌ណាស្រាលៗ ដូចជាពណ៌ស ពណ៌ផ្កាឈូក ឬពណ៌ទឹកក្រូចក៏បានដែរ។ ប៉ុន្តែកុំប្រើពណ៌ណាដិតៗ ដូចជាខៀវ ខ្មៅ -ល-។
៥. ស្នំក្រោមភ្នែក ដោយប្រើកញ្ចប់តែ
បើយើងមាន ឬក៏ផឹកតែរាល់ព្រឹកដែរទេ យើងអាចយកកញ្ចប់តែដែលប្រើហើយ នៅក្ដៅអ៊ុនៗយកមកស្នំបរិវេណក្រោមភ្នែក។
៦. គូស Eyeliner តូចស្មើង តាមទម្រង់ភ្នែក
ប្រើ Eyeliner មិនត្រឹមតែ អាចធ្វើឱ្យភ្នែកយើងមានទម្រង់ និងធំជាងមុនប៉ុណ្ណោះទេ តែក៏អាចជួយឱ្យបាំងៗ ភ្នែកហើមរបស់យើងផងដែរ ប៉ុន្តែកុំគូសក្រាស់ពេក។
ប្រភព៖ Sista Cafe