នៅលើវិស័យ K-Pop គឺជាកន្លែងដែលប្រកួតប្រជែងគ្នាខ្លាំងបំផុត Trainee ដែលខិតខំហ្វឹកហាត់ ប្រឹងប្រែង រាប់ឆ្នាំ ទំរាំតែបាន Debut។ ប៉ុន្តែជាការសោកស្ដាយ មានក្រុមមួយចំនួនដែលត្រូវDisbandតាំងតែក្រោយចេញបទចម្រៀងដំបូង ដូចជា៧ក្រុមខាងក្រោយមនេះជាដើម៖
១. X1
ក្រុមនេះត្រូវបានបង្កើតឡើង ក្នុងកម្មវិធីប្រកួត Produce X 101។ បេក្ខជនដែលបានពិន្ទុខ្ពស់ជាងគេ ពួកគេក៏បង្កើតជាក្រុមមួយដែលមានឈ្មោះថា X1 ដែលសមាជិក ១១នាក់ Debut នៅថ្ងៃទី២៧ ខែសីហា ឆ្នាំ២០១៩ ជាមួយនឹងបទចម្រៀង Flash ជាមួយនឹងការគាំទ្រយ៉ាងខ្លាំងផងដែរ។ ប៉ុន្តែគួរឱ្យសោកស្ដាយ ដោយសារតែរឿងអាស្រូវបញ្ហាទាក់ទង់នឹងការបោះឆ្នោតក្នុងកម្មវិធីប្រកួត Produce X 101 ធ្វើឱ្យក្រុមនេះត្រូវរំសាយ ហើយសមាជិកទាំងអស់ ក៏ដើរផ្លូវការងាររៀងខ្លួន។
២. Peach Girl
Peach Girl បង្កើតឡើងដោយផលិតកម្ម JM Star Entertainment នៅខែវិចិ្ឆកា ឆ្នាំ២០១៣ តាមរយៈបទចម្រៀង “Fox-Fur Muffler”។ ក្រុមនេះ សមាជិក៥នាក់ គឺ Mimi, Yuka, Bogyeong, Somang និង Hyunji។ ប៉ុន្តែអ្វីដែលគួរឱ្យសោកស្ដាយ ដោយសារតែរាប់ឆ្នាំមិនឃើញចេញបទទី២ ហើយចុងក្រោយក៏ត្រូវរំសាយ ដោយមិនដឹងមូលហេតុច្បាស់លាស់។
៣. DEMION
DEMION ជាក្រុមបុរសមានសមាជិក៥នាក់ ចេញបទដំបូងក្រោមផលិតកម្ម Lion’s Bridge នៅខែកញ្ញាឆ្នាំ២០១៣ ជាមួយនឹងបទដំបូងគឺ “Ask Her Out” ។ សមាជិកទាំង៥មានដូចជាYoon, Nakhun, Sangbum, Ssun, និង Haekeun ប៉ុន្តែនៅខែតុលាឆ្នាំ២០១៤ក្រុមនេះទៅបានរំសាយដោយសង្ស័យថាប្រហែលផលិតកម្មរបស់ពួកគេ មានបញ្ហាផ្នែកហិរញ្ញវត្ថុ ទើបគ្មានសមត្ថភាពអាចប្រម៉ូតពួកគេបន្តបាន។
៤. The Ark
The Ark ជាសមាជិកនារីមាន៥នាក់។ បទចម្រៀងនិងចុងក្រោយរបស់ពួកគេគឺ “The Light” ក្រោមផលិតផលកម្ម Music K Entertainment នៅខែមេសា ឆ្នាំ២០១៥។ ក្រុមពួកគេរំសាយដោយសារតែ មានសមាជិកvocalistម្នាក់បានចាកចេញ ហើយពួកគេមិនអាចរកបានសមាជិកថ្មី ណាមួយទៀត ឃើញថាបទចម្រៀងដំបូងពួកគេ ក៏មិនសូវមានលទ្ធផលល្អ ក្រុមនេះក៏សម្រេចចិត្តDisband។
៥. BTL
ក្រុមនេះមានសមាជិក៨នាក់។ Debut ក្នុងខែឧសភា ឆ្នាំ២០១៤ ក្រោមផលិតកម្មKiroy Company ជាមួយនឹងបទ “Too-G” ។ ពួកគេមានគម្រោងនឹងចេញបទជាមួយនឹង mini-album និង second single called “Gold Moon” iនៅខែកក្កដា ឆ្នាំ២០១៥ ប៉ុន្តែគួរឱ្យសោកស្ដាយ ក្រុមនេះត្រូវរំសាយ។
៦. VIVIDIVA
VIVIDIVAមាន៥នាក់ ក្រោមផលិតកម្ម DN Entertainment បទដំបូងគឺ“Service” ចេញនៅខែកញ្ញា ឆ្នាំ២០១៥។ ត្រូវបានរំសាយវិញនៅខែ មិនា ២០១៦ ប៉ុន្តែសមាជិកពួកគេ អ្នកខ្លះក្លាយជា solo artists ឯអ្នកខ្លះទៀតក៏ទៅ debut នៅក្រុមផ្សេង។
៧. Ye-A
Ye-A ដើមឡើយបង្កើតឡើង មានសមាជិក៨នាក់ ក្រោមផលិតកម្ម Kiroy ប៉ុន្តែជារឿយៗ ក្រុមមួយនេះឧស្សាហ៍ដូរសមាជិកក្រុមជាញឹកញយ។ បទDebutរបស់ពួកគេ មានចំណងជើងថា Up and Down ចេញនៅខែកក្កដា ឆ្នាំ២០១៤។ នៅខែវិច្ឆិកាឆ្នាំ ២០១៥ ក្រុមរបស់គ្រប់គ្រងក្រុមនេះ ត្រូវបានទិញយកដោយក្រុមហ៊ុន Shinhoo បន្ទាប់ពីនោះមក ក៏លែងឮដំណឹង Ye-A រហូតមក។
ប្រភព៖ Koreaboo